“บัณฑิตพึงทราบข้อความอื่นตามนัยที่กล่าวไว้แล้ว ตติยฌานที่ละองค์ฌาน ๑ ประกอบด้วยองค์ฌาน ๒ มีความงาม ๓ ประการ เพียบพร้อมด้วยลักษณะ ๑๐ สำเร็จด้วย การภาวนา ภิกษุได้บรรลุแล้วโดยประการฉะนี้”
การบรรลุจตุตถฌาน
๙๖๐. ตติยาธิคเต ฌาเน อากาเรหิ จ ปญฺจหิ
สุจิณฺณวสินา หุตฺวา ตสฺมึ ปน สตีมตา.
๙๖๑. ตสฺมา ปคุณโต ฌานา วุฏฺฐาย ตติยา ปุน
อาสนฺนปีติโทสา หิ สมาปตฺติ อยนฺติ จ.
๙๖๒. ยเทวเจตฺถ อาโภโค สุขมิจฺเจว เจตโส
เอวํ สุขสฺส ถูลตฺตา โหตายํ องฺคทุพฺพลา.
๙๖๓. อิติ อาทีนวํ ทิสฺวา ฌานสฺมึ ตติเย ปุน
จตุตฺถํ สนฺตโต ทิสฺวา เจตสา ปน โยคินา.
๙๖๔. นิกนฺตึ ปริยาทาย ฌานสฺมึ ตติเย ปุน
จตุตฺถาธิคมตฺถาย กาตพฺโพ ภาวนกฺกโม.
๙๖๕. อถสฺส ตติยชฺฌานา วุฏฺฐาย หิ ยทา ปน
สตสฺส สมฺปชานสฺส ฌานงฺคํ ปจฺจเวกฺขโต.
๙๖๖. ถูลโต ตสฺสุปฏฺฐาติ สุขํ ตํ มานสํ ตโต
อุเปกฺขา สนฺตโต ตสฺสจิตฺตสฺเสกคฺคตาปิ จ.
๙๖๗. ถูลงฺคสฺส ปหานาย สนฺตงฺคสฺสูปลทฺธิยา
ตเทว จ นิมิตฺตญฺหิ “ปถวี ปถวี”ติ จ.
๙๖๘ . กโรโต มนสา เอว ปุนปฺปุนญฺจ โยคิโน จตุตฺถํ ปนิทํ ฌานํ อุปฺปชฺชิสฺสติ ตํ อิติ.
๙๖๙. ภวงฺคํ ปนุปจฺฉิชฺช ปถวีกสิณํ ตถา
ตเทวารมฺมณํ กตฺวา มโนทฺวารมฺหิ โยคิโน.